رواية الحب يعشق الصدف الفصل الحادي عشر 11 بقلم رحمه محمد
#الحب يعشق الصدف
البارت11
مراد: تتجوزيني
ليلي بصدمه: ايييي
مراد اتنهد وتكلم بحزن وضعف ظاهر : ليلي امي خسرت سلمي قبل كدا وكنت هخسرها هي كمان بعد موت سلمي تعبت اوي وبقا عندها اكتئاب بتتكلمش كتير وتحب تكون لوحدها علطول النهارده شوفت النظره دي في عيونها حست انها هتخسر تاني وانا مش هقدر اخسرها
ليلي: بس....
قاطعها مراد: ممكن اتكلم معاكي شويه
ليلي حست بحزنه وحركة راسها بالايجاب
: ي عشق
عشق وسيف بصو وراهم اتجاه الصوت
عشق :صافي
صافي قربت منها وحضنتها: فينك ي بنتي مختفيه لي
عشق ببتسامه صفرا : معلش بقا مشغوله شويه
صافي وهي بصه لسيف: اممم مش تعرفيني
عشق بصت لسيف: دا سيف خطيبي
صافي: خطيبك (ومدت ايديها ليه) ازيك
سيف سلم عليها: كويس انتي اخبارك اي
عشق: طب يلا ي سيف ولا اي
سيف ببتسامه: اه اكيد
ومشيو وفضلت صافي بصالهم ببتسامه خبيثه
مراد بحزن وهو قاعد علي النيل مع ليلي: انا اول مره اتكلم في الموضوع دا بعد سنين كتير(وبصلها) واول مره احكي لحد
ليلي بصتله بتركيز وحركه راسها بمعني قول
مراد اتنهد خد نفس عميق وطلعه تاني بالم: من 15سنه والدي جابر التهامي و كامل الصياد كانو صحاب وقررو يبقو شركه وبقا كل شغلهم مع بعض للاسف والدي كان واثق فيه ثقي عميه وانه مستحيل يخونه كامل الصياد استغل دا وخطط لقتله
ليلي اتصدمت وبصت ليه
مراد بصلها بحزن: ونفذ خططه وقتله (ابتسم بحزن) كان جاي البيت وتخانقو مع بعض وقتله في نص البيت مكنش حد في البيت وقتها ولما رجعنا لقناه ميت كامل الصياد حاول يكمل قتل العيله كلها بس امي خدتنا ومشينا من هنا اختفينا تماماً لغايت ما بنيت نفسي ورجعت وانا مراد جابر التهامي عشان اعرف احمي امي واجيب حق والدي
ليلي دموعها نزلت: طب وسلمي
مراد وهو باصص للنيل: لا سلمي توفت وهو راجعه من الجامعه خبطتها عربيه وللاسف راحت (وبص لليلي) ليلي امي كانت بتحب والدي اوي بس راح وسلمي راحت بعده خايف اخسرها كفايه الي بعدو مش هقدر اخسرها حتي ولاء الخدامه كامل الصياد هو الي بعتها عشان يموتها
ليلي شهقت: انت كنت شايل كل الحمل دا لوحدك
مراد ابتسمت بحزن: متعوتش احكي ومكنتش هحكي بس لازم تعرفي الكلام دا... ليلي وجودك هيفرحها انتي اكتر واحده انا متاكد انك هتحافظي عليها
ليلي بصت في عيونه شويه وابتسمت: وانا موافقه اساعدك ي مراد
مراد بصلها: بجد
ليلي ابتسمت: ايوا انا عارفه وجع الخساره لاني خسرت ماما الله يرحمها وانت الي عشته صعب حد يستحمله وعشان متخسرش تاني انا موافقه اتجوزك
مراد ابتسم وفضل باصص ليها وهي بصاله
وفجاه رن تليفونه بص للي بيرن وابتسم ورد
مراد بمكر: جاي
وقفل مع الي كان بيرن
ليلي بستغراب لما لقت ملامحه الي تغيرت تماماً: اي الي غيرك كدا
مراد ابتسم: اه بدانا شغل الزوجه من دلوقتي
ليلي ضحكت جامد ومراد فضل باصص ليها ببتسامه
مراد ببتسامه: طب يلا اروحك واروح شغلي
ليلي ابتسمت: يلا
عمرو كان قعد بيفكر في ساره وابتسم لما افتكر اول لقاء بنهم لما كانت مامت مراد في العنايه لمدت يومين
Flash Back
عمرو : مراد
مراد : في اي
عمرو: روح ارتاح انت هنا طول اليوم
مراد بعتراض: لا
عمرو اتنهد: مراد مش وقته عناد روح وانا موجود روح حتي خد دش ساخن وغير هدومك (وكمل بهزار) رحتك طلعت يعم
مراد ببتسامه صفرا : اي يواد الدم الخفيف دا بص هناك كدا (وشاور في اتجاه)
عمرو بص: في اي
واتفاجئ بمراد ضربه بالقلم علي قفاه: عشان تبقا تخف دمك تاني
وسابو ومشي وهو بيضحك تحت صدمة عمرو
جه صوت بنت بتضحك بصوت عالي: ي عيني دا اتصدم
عمرو بص لتجاه الصوت: عجبك المشهد
البنت بضحك: جدااااااا
عمرو بغيظ : تحبي اجي ادوقك نفس القلم
البنت: نعااام اتشطر علي الي ضربك علي قفاك يخوياا
..: دكتوره ساره دكتوره ساره
ساره لفت لتجاه الصوت وكان ولد صغير بيجري عليها نزلت لمستواه : عيون ساره
الولد الصغير: انا كنت شاطر وسمعت كلام مامي كله وكنت باخد العلاج في ميعاده وخفيت خلاص فين بقا الهديه الي قولتيلي عليها
ساره بفرحه وتشجيع: شاطر ي بطل تفتكر بقا جبتلك اي
الولد الصغير بتفكير: اممممم مش عارف قولي انتي
ساره طلعت شكولاته من جيبها: اهي
الولد بفرحه كبيره: شكولاته
خدها منها وباسها علي خدها: انا بحبك اوووي
ساره بحب: وانا كمان بحبك اوي يلا روح لمامي عشان متقلقش عليك
الولد الصغير حرك راسه بالايجاب ومشي جري وهو بينادي علي مامته ورافع الشكولاته بيوريها لمامته بفرحه
دا كله تحت انظار عمرو الي كان باصص لساره بأعجاب وقرب منها شويه: دكتوره ساره دكتوره ساره
ساره بستغراب: نعم
عمرو: فين الشكولاته بتاعتي انا كمان
ساره: لما تتسخط وتبقا عيل هديك شكولاته
عمرو بصدمه من ردها: ي ساتر يارب اي اللسان دا
ساره: مالو لساني
عمرو: متبري منك ي حبيبي
ساره: حبك برص وعشره خرس وواحد اطرش والتاني اعمي و.....
عمرو: باااااااااااس انا اسف دا اي الراديو الي اتفتح دا
ساره ضحكت: باي ي ابو قفا ورايا شغل
وسابتو ومشيت
Back
عمرو ضحك وهمس لنفسه: ربنا خد من طولها وحطو في لسانها اي اللسان دا
جاسر بستغراب: هو فين مراد
عمرو: مش عارف اكيد وراه شغل
وقاطع كلامهم دخول مراد وطلع الجناح بتاعه من غير كلام
جاسر وعمرو بصو لبعض بستغراب ورحو ورا لقو خارج من الجناح
عمرو: في اي ي مراد
مردش عليه ولا بصلهم اصلا بس علامات الغضب الي علي وشه عرفتهم ان في مصيبه
مراد خرج من القصر خالص وركب عربيته وهما الاتنين بسرعه ركبو معاه ومراد مبيردش علي اسئلتهم خالص وساق بسرعه عاليه جدا
عمرو: مراد هدي السرعه شويه
جاسر: اه ونبي مش عايز اموت
مراد عالي السرعه اكتر
عمرو لجاسر : هنموت
جاسر: يسوادي عليا يارتني ما جيت
عمرو بخوف: بعد اي بقا ما خلاص روحنا في داهيه هنموت واحنا لسه شباب زي الورد
جاسر بخوف: اه ونعمه ورده مفتحه
عمرو: ولا مغمضه مش هتفرق دلوقتي
مراد بغضب: اخرسو انتو الاتنين لرميكم من العربيه
عمرو وجاسر بسرعه حطو ايديهم علي بوقهم وسكتو بعد نص ساعه وصلو قدام مخزن كبير جدا
جاسر وعمرو بصو لبعض: صلاة النبي احسن
دخل مراد المخزن وفتح الباب براحه ووراه جاسر وعمرو
مراد وهو بيشمر كم القميص: ي اهلا بالحبايب
.......
#يتبع
#بقلمي رحمه محمد
